Ebadi

News

నేడు టీఎస్ ఈసెట్ ఫలితాలు, 2018-19 విద్యా సంవత్సర క్యాలెండర్ రెడీ

పాలిటెక్నిక్ డిప్లొమా పూర్తి చేసిన విద్యార్థులు బీటెక్ ద్వితీయ సంవత్సరం ప్రవేశాలకొరకు నిర్వహించిన పరీక్ష టీఎస్ ఈసెట్ ఫలితాలు నేడు సాయంత్రం 4 గంటలకు విడుదల చేయనున్నారు. ఈ ఫలితాలను ఉన్నత విద్యా మండలి చైర్మన్ పాపిరెడ్డి విడుదల చేయనున్నారు. ఫలితాలు www.tsche.ac.in వెబ్ సైటులో చూడవచ్చు. 2018-19 విద్యా సంవత్సర క్యాలెండర్ రెడీ తెలంగాణ విద్యా సంవత్సరం 2018-19 అకాడమిక్ క్యాలెండర్ ను విద్యాశాఖ ప్రభుత్వానికి సమర్పించిది. బుధవారం మంత్రి కడియం శ్రీహరి విద్యా శాఖ అధికారులు, ఉపాధ్యాయ సంఘాల సమావేశంలో ప్రస్తావించడం జరిగింది. ఈ విద్యా సంవత్సరంలో 229 పని దినాలున్నాయి. ఐపీఎల్ మాట బుధవారం జరిగిన క్రికెట్ మ్యాచ్ లో రాజస్థాన్ పై కలకత్తా విజయం. శుక్రవారం క్వాలిఫయర్ మ్యాచ్ 2 - కలకత్తా x హైదరాబాద్ , కలకత్తా వేదికగా జరగనుంది.

24-May-18

ఏపీ ఎంసెట్ కౌన్సిలింగ్ తేదీలు ఖరారు, ఏపీ పీసెట్ ప్రవేశ పరీక్షలు

ఆంధ్రప్రదేశ్ లోని ఇంజనీరింగ్, మెడికల్, అగ్రికల్చర్ కోర్సుల్లో ప్రవేశానికి సంబంధించిన ఎంసెట్ కౌన్సిలింగ్ ఈ నెల 28 నుండి ప్రారంభించనున్నామని మంత్రి గంటా శ్రీనివాసరావు తెలిపారు. మే 28, 29, 30, 31 తేదీల్లో కౌన్సిలింగ్, మే 30 నుండి జూన్ 2 వరకు ఆప్షన్లు నమోదు చేసుకోవాలి. జూన్ 3 న ఆప్షన్ల మార్పుకు అవకాశం ఉంటుంది. జూన్ 12 నుండి తరగతులు ప్రారంభం అవుతాయని మంత్రి తెలియజేసారు. ఏపీ పీసెట్ ప్రవేశ పరీక్షలు ఆంధ్రప్రదేశ్ రాష్ట్రంలో ఉన్న ఫిజికల్ ఎడ్యుకేషన్ కళాశాలల్లో బీపీఈడీ, యూజీడీపీఈడీ కోర్సుల్లో ప్రవేశానికి నిర్వహించనున్న ఏపీ పీసెట్ 2018లో భాగంగా నేటినుండి ఏఎన్యూలో ప్రవేశ పరీక్షలు నిర్వహించనున్నామని పీసెట్ చైర్మన్ ఎ. రాజేంద్రప్రసాద్ తెలిపారు. ఈ ప్రవేశాలకు తెలంగాణ, ఆంధ్రప్రదేశ్ అభ్యర్థులు దరఖాస్తు నమోదుచేసుకున్నారు. పురుషులకు ఈ నెల 24 నుండి 29 వరకు, మహిళలకు ఈ నెల 30, 31 తేదీల్లో దేహ దారుడ్య, క్రీడా నైపుణ్య పరీక్షలు నిర్వహించనున్నారు.

24-May-18

టీచర్ల బదిలీలకు ప్రభుత్వం గ్రీన్ సిగ్నల్

తెలంగాణ రాష్ట్రంలో ఉపాధ్యాయ బదిలీలకు ప్రభుత్వం సిద్ధమైంది. టీచర్ల బదిలీ, పదోన్నతులపై బుధవారంనాడు సచివాలయంలో మంత్రి కడియం శ్రీహరి ఉపాధ్యాయ సంఘాల ప్రతినిధులు, విద్యాశాఖ అధికారులతో సమావేశమయ్యారు. పదోన్నతుల విషయం సర్వీసు నిభందనలతో ముడిపడి ఉందని, అది పరిష్కారం కానిదే పదోన్నతులు ఇవ్వడం కష్టం అని విద్యాశాఖ అధికారులు తెలిపారు. ప్రభుత్వ ఉపాధ్యాయులతో చర్చలు జరిపి తగిన ఏకాభిప్రాయం తీసుకోవాలని మంత్రి తెలిపారు. పదోన్నతుల విషయంలో ఎలాంటి స్పష్టత రాలేదు. తదనంతరం ఉపాధ్యాయ బదిలీల ప్రస్తావనలో మొదట అంతర జిల్లా భార్యాభర్తల బదిలీలు నిర్వహించాలని సూచించారు. ప్రధానోపాధ్యాయులు 5 ఏళ్ళుగా ఒకే చోట పనిచేస్తున్నవారికి, ఎస్ఏ మరియు ఎస్జీటీ వారికి 8 ఏళ్లు దాటిన వారికి తప్పనిసరి బదిలీలు చేపట్టాలని సూచించారు. ఈ బదిలీలు పాత జిల్లాల ప్రకారమే నిర్వహించబడుతుంది. ఈ బదిలీలు వెబ్ కౌన్సిలింగ్ ద్వారా చేపట్టనున్నారు. బదిలీల ప్రస్తావన తర్వాత, జూన్ 2 తర్వాత ఎండలు తగ్గకుంటే ఒంటిపూట బడుల నిర్వహించాలా, సెలవులు కొనసాగించాలా అనే అంశంపై జూన్ 3 న చర్చించాలని తెలిపారు.

24-May-18

కరెంట్ అఫైర్స్ & జనరల్ నాలెడ్జ్ - 46

1. రోడ్డు ప్రమాదాల్లో మరణించే వారికి, శాశ్వత అంగవైకల్యం బారినపడ్డవారికి కేంద్ర ప్రభుత్వం ఎంత పరిహారం చెల్లించాలని నిర్ణయించింది ? జ: 5 లక్షలు 2. కేంద్ర ప్రభుత్వం రోడ్డు ప్రమాదాల్లో మరణించేవారికి పరిహారం చెల్లించడం ఏ చట్ట సవరణలు చేస్తూ నోటిఫికేషన్ జారీచేసింది ? జ: మోటారు వాహనాల చట్టం - 1988 3. 71 వ వరల్డ్ హెల్త్ అసెంబ్లీ (WHA-2018) ను నిర్వహిస్తున్న దేశం ఏది? జ: స్విట్జర్లాండ్ 4. ముద్ర రాక్షస గ్రంథం రాసిందెవరు ? జ: విశాఖ దత్తుడు 5. గ్రీకు రచయిత ప్లినీ ప్రకారం చంద్రగుప్తుని కాలంలో ఎంత సైనికదళం ఉండేది ? జ: 30 వేల అశ్వదళం, 9 వేల గజదళం, 8 వేల రథాలు 6. యన్నా జలపాతం ఏ రాష్ట్రంలో ఉంది ? జ: మహారాష్ట్ర 7. సిమ్లా ప్రాంతం సముద్ర మట్టానికి ఎన్ని అడుగులఎత్తులో ఉంది ? జ: 7,235 8. సైసర్ ఆరేటినం ఏ మొక్క శాస్త్రీయనామం ? జ: శనగమొక్క 9. ఘటప్రభ పక్షి సంరక్షణ కేంద్రం ఎక్కడ ఉంది ? జ: కర్ణాటక 10. బొడిమిలా కనుమ ఏ రాష్ట్రంలో ఉంది ? జ: అరుణాచల్ ప్రదేశ్ మే నెల 11 - 20 తేదీ వరకు గల కరెంట్ అఫైర్స్ & జనరల్ నాలెడ్జ్ Book (PDF) Books సెక్షన్ లో Standard --> Others Subject --> CA&GK సెర్చ్ చేసి పొందండి.

23-May-18

ఏపీ ఆన్ లైన్ కు టెట్ నిర్వహణ బాధ్యతలు

ఆంధ్రప్రదేశ్ రాష్ట్రంలో ఉపాధ్యాయ అర్హత పరీక్ష (ఏపీ టెట్) - 2018 నిర్వహణకు సంబంధించిన బాధ్యతలను ఏపీ ఆన్ లైన్ సంస్థకు అప్పగించడం జరిగింది. దరఖాస్తు గడువు ఈ బుధవారం రాత్రితో ముగియనుంది. మంగళవారం సాయంత్రానికి 3,73,375 మంది దరఖాస్తు చేసుకోవడం జరిగింది. టెట్ ఆన్ లైన్ పరీక్ష జూన్ 10 నుండి 21 వరకు నిర్వహించబడుతుంది. ఐపీఎల్ మాట మంగళవారం జరిగిన క్రికెట్ మ్యాచ్ లో హైదరాబాద్ పై చెన్నై విజయం. నేడు కలకత్తా x రాజస్థాన్ ఎలిమినేటర్ మ్యాచ్ రాత్రి 7 గంటలకు ప్రారంభం.

23-May-18

రైల్వేభద్రతా బలగాల్లో కొత్త జాబ్స్

రైల్వే భద్రతా బలగాల్లో(ఆర్పీఎఫ్, ఆర్పీఎస్ఎఫ్) 8,619 మంది కానిస్టేబుళ్లు, 1120 మంది ఎస్సై ఉద్యోగాల భర్తీకి రైల్వే శాఖ నోటిఫికేషన్ విడుదల చేసింది. పురుషుల కానిస్టేబుళ్లు 4,403 పోస్టులు, మహిళా కానిస్టేబుళ్లు 4,216 పోస్టులు కాగా పురుషుల ఎస్సైలు 819, మహిళల ఎస్సైలు 301 పోస్టులు భర్తీ చేయనుంది. విద్యార్హత కానిస్టేబుల్ వాళ్ళకు పదోతరగతి, ఎస్సైకు గ్రాడ్యుయేషన్. వయసు 2018, జూలై 1 నాటికి 18 - 25 ఏళ్ల మధ్య ఉండాలి. బీసీలకు మూడేళ్ళు, ఎస్సీ, ఎస్టీలకు అయిదేళ్ళ వయోపరిమితి ఉంటుంది. ఆన్ లైన్ దరఖాస్తులు జూన్ 1 నుండి 30 వరకు స్వీకరించబడుతుంది. ఆన్ లైన్ పరీక్ష సెప్టెంబర్, అక్టోబర్ లో నిర్వహించబడుతుంది. మరిన్ని వివరాలకు www.indianrailways.gov.in వెబ్ సైటును సంప్రదించవచ్చని అధికారులు తెలిపారు.

23-May-18

కరెంట్ అఫైర్స్ & జనరల్ నాలెడ్జ్ - 45

1. కేరళ రాష్ట్రంలో ఇటీవల ప్రాణాంతకంగా కలకలం రేపుతున్న వైరస్ ఏది ? జ: నిపా వైరస్ 2. నిపా వైరస్ ను మొదటిసారిగా ఎప్పుడు, ఎక్కడ గుర్తించారు ? జ: 1998, మలేషియాలో కాంపుంగ్ సుంగై నిపా ప్రాంతం 3. ఇటీవల ఆరుగురు నావికాదళ మహిళాధికారులు భూమిని చుట్టి వచ్చిన మహిళా బృదం పేరు ? జ: ఐఎన్ఎస్వీ తరిణి 4. ఐఎన్ఎస్వీ తరిణి బృదం ఎప్పుడు నౌకాయానాన్ని ప్రారంభించారు ? జ: 10 సెప్టెంబర్ 2017 5. ఐఎన్ఎస్వీ తరిణి బృదం భూమిని చుట్టిరావడానికి పట్టిన కాలం ఎంత ? జ: 8 నెలలు 6. ఐఎన్ఎస్వీ తరిణి బృదం భూమిని చుట్టిరావడానికి పెట్టిన పేరు ? జ: నావికా సాగర్ పరిక్రమ 7. భారత్ తరపున ప్రపంచాన్ని చుట్టివచ్చిన మొదటి వ్యక్తి ఎవరు ? జ: కెప్టెన్ దిలీప్ దోండే (19 ఆగస్టు 2009 నుండి 19 మే 2010) 8. జీవ వైవిద్యం ఎక్కువగా ఉన్న దేశం ఏది ? జ: బ్రెజిల్ 9. జీవ వైవిద్యంలో భారత్ స్థానం ? జ: 8వ స్థానం 10. ఎక్కువ పక్షి జాతులు ఉన్న దేశం ఏది ? జ: కొలంబియా

22-May-18

విజయవంతమైన బ్రహ్మోస్ పరీక్ష

అత్యంత వేగంతో దూసుకెళ్ళే బ్రహ్మోస్ క్రూయిజ్ క్షిపణిని భారత శాస్త్రవేత్తలు సోమవారం విజయవంతంగా ప్రయోగించారు. ఓడిశాలోని చాందీపూర్ లో ఉన్న ఇంటిగ్రేటెడ్ టెస్ట్ రేంజ్ లాంచ్ ప్యాడ్ 3 లోని మొబైల్ లాంచర్ ద్వారా సోమవారం ఉదయం 10.40 గంటలకు ప్రయోగాన్ని నిర్వహించినట్లు డీఆర్డీవో అధికారులు తెలిపారు. ఈ అస్త్రం పొడవు 9 మీటర్లు, బరువు 3 టన్నులు కాగా దీనిని నింగి, నేల, సముద్రగర్భం నుండి ప్రయోగించవచ్చు. ఈ క్షిపణి పరిధి 400 కిలోమీటర్లు కాగా 800 కిలోమీటర్లు పెంచేందుకు ప్రయత్నిస్తున్నారు. దీని వినియోగకాలాన్ని 10 ఏళ్ల నుండి 15 ఏళ్లకు పెంచుతూ సాంకేతిక మార్పులు చేసారు.

22-May-18

23, 24 తేదీల్లో టీఎస్ ఐసెట్

తెలంగాణాలోని ఎంబీఏ, ఎంసీఏ కోర్సుల్లో ప్రవేశాలకు నిర్వహించే పరీక్ష ఐసెట్ ఈ నెల 23, 24 తేదీల్లో ఆన్ లైన్ పరీక్ష జరగనుంది. 23వ తేదీ ఉదయం 10 నుండి 12:30 వరకు, మధ్యాహ్నం 2 నుండి 4 గంటలవరకు, 24వ తేదీన ఉదయం 10 నుండి 12:30 గంటలవరకు పరీక్ష నిర్వహించబడుతుందని ఐసెట్ కన్వీనర్ ఎం. సుబ్రమణియ శర్మ సోమవారం తెలిపారు. హాల్ టికెట్లను www.icet.tsche.ac.in వెబ్ సైటులో పొందవచ్చు. మొత్తం 60 పరీక్ష కేంద్రాలు ఏర్పాటుచేయడం జరిగింది. జూన్ 4 న తుది కీ , 6వ తేదీన ఫలితాలు విడుదల చేస్తామని అయన తెలిపారు.

22-May-18

నేటితో టెట్ ఫీజు చెల్లింపు గడువు పూర్తి, 23 నుండి డీఎడ్ మొదటి సంవత్సరం పరీక్షలు ప్రారంభం

ఆంధ్రప్రదేశ్ ఉపాధ్యాయ అర్హత పరీక్ష టెట్ దరఖాస్తు ఫీజు చెల్లింపు గడువు నేటితో ముగియనుందని ఏపీ టెట్ కన్వీనర్ ఎ. సుబ్బారెడ్డి తెలియజేసారు. ఈ నెల 23 వరకు ఆన్ లైన్ దరఖాస్తు గడువు ఉన్నట్లు ఆయన తెలిపారు. ఈ నెల 25 నుండి 29 వరకు ఆన్ లైనులో పరీక్ష కేంద్రాలను ఎంపిక చేసుకోవచ్చు. ఈ నెల 25 నుండి మాక్ టెస్ట్ ఉంటుందని ఆయన తెలిపారు. సందేహాల కొరకు 9505780616, 9505619127 నంబర్లకు కాల్ చేయవచ్చన్నారు. 23 నుండి డీఎడ్ మొదటి సంవత్సరం పరీక్షలు ప్రారంభం తెలంగాణాలోని డిప్లొమా ఇన్ ఎలిమెంటరీ ఎడ్యుకేషన్ (డీఎడ్) మొదటి సంవత్సరం పరీక్షలు ఈ నెల 23 నుండి 29 వరకు జరగనున్నాయి. మొత్తం 57 పరీక్షా కేంద్రాలను ఏర్పాటు చేసామని, పాత సిలబస్ గల విద్యార్థులకు సికింద్రాబాద్ లోని వెస్లీ బాలికల ఉన్నత పాఠశాలను పరీక్ష కేంద్రంగా ఎంపిక చేసామని ప్రభుత్వ పరీక్షల విభాగం సంచాలకులు సోమవారం తెలిపారు. హాల్ టికెట్లను www.bse.telangana.gov.in వెబ్ సైటులో పొందవచ్చు.

22-May-18

View All

Videos

ఆల్కేను,ఆల్కీను,ఆల్కైను తయారీ ధర్మాలు.