Watch Video Lessons

Choose what you'd like to learn from our video library.

eLearning Books

Choose what you'd like to learn from our Books library.

School Orders

Choose what you'd like to learn from our Books library.

News

ఆయూష్ కోర్సులకు కౌన్సిలింగ్

ఎండీ హోమియో, ఎండీ ఆయుర్వేద, ఎండీ యునానీ కోర్సుల్లో ప్రవేశాలకు కాళోజీ హెల్త్‌ యూనివర్సిటీ నోటిఫికేషన్‌ విడుదల చేసింది. యూనివర్సిటీ వెబ్‌సైట్‌లో ఉంచిన అర్హుల జాబితాలోని అభ్యర్థులు ఈ కోర్సులకు అర్హులని పేర్కొంది. ఈనెల 11న ధ్రువపత్రాల పరిశీలన ఉంటుందని వెల్లడించింది. అలాగే ఎంఎస్సీ నర్సింగ్‌, ఎంపీటీ కోర్సుల్లో ప్రవేశాలకు ధ్రువపత్రాల పరిశీలన, కౌన్సిలింగ్‌కూ వర్సిటీ నోటిఫికేషన్‌ను విడుదల చేసింది. ఈ కోర్సుల్లో ప్రవేశానికి అభ్యర్థులు ఈనెల 11న అసలు ధ్రువపత్రాలతో ఓయూ క్యాంప్‌సలోని పీజీఆర్‌ఆర్‌సీడీఈ కేంద్రంలో హాజరు కావాలని తెలిపింది.

06-Oct-19

3 నుంచి బీఎడ్ కౌన్సెలింగ్

ఆంధ్రప్రదేశ్లో బీఎడ్ కాలేజీల్లో ప్రవేశాల కొరకు అక్టోబర్ 3 నుండి 5 వరకు కౌన్సెలింగ్ నిర్వహించనున్నారు. 434 కాలేజీల్లో 35,930 సీట్లు అందుబాటులో ఉన్నాయి. సర్టిఫికెట్ వెరిఫికేషన్ కొరకు ఆంధ్రా వర్సిటీ, ఎస్వీయూ, నాగార్జున వర్సిటీ, కృష్ణదేవరాయ వర్సిటీ, JNTUK క్యాంపస్ లలో హెల్ప్ లైన్ లను ఏర్పాటు చేశారు.

26-Sep-19

కానిస్టేబుల్ తుది ఫలితాలు విడుదల

తెలంగాణ రాష్ట్ర స్థాయి పోలీస్ రిక్రూటమెంట్ బోర్డు (టీఎస్ఎల్‌పీఆరీబీ) మంగళవారం రాత్రి 11 గంటలకు కానిస్టేబుల్ తుది ఫలితాలను విడుదల చేసింది. ఈ ఫలితాలను www.tslprb.in వెబ్ సైట్లో అందుబాటులో ఉంచినట్లు తెలిపింది. విడుదల చేసిన తుది ఫలితాల్లో సివిల్, ఏఆర్, టీఎస్ ఎస్పీ, ఫైర్, ప్రిజన్స్, డ్రైవర్స్ తదితర విభాగాల ఫలితాలకు కలిపి మొత్తంగా 17,156 మంది ఎంపికైనట్లు టీఎస్ఎల్‌పీఆర్ఓ చైర్మన్ శ్రీనివాసరావు వెల్లడించారు. వీరిలో 13,373 మంది పురుషులు కాగా 2,652 మంది మహిళలున్నారు. అభ్యర్థుల ఎంపికపై ఏమైనా అభ్యంతరాలుంటే.. ఈనెల 25 (నేడు) 4 గంటల నుంచి 7 రోజుల్లోగా దరఖాస్తు చేసుకోవాలని సూచించారు. ఇందుకు స్థానిక ఎస్సీ, ఎస్టీలు అయితే రూ.1,000 ఇతరులు రూ.2,000 చెల్లించాల్సి ఉంటుందన్నారు. మరిన్ని వివరాలకు https://www.tslprb.in/ వెబ్ సైటను సందర్శించాలని పేర్కొన్నారు.

25-Sep-19

ఓయూ డిగ్రీ, పీజీ ఫలితాలు విడుదల

ఓయూ పరిధిలో జరిగిన 21 పీజీ కోర్సుల ఫలితాలు విడుదల చేసినట్లు కంట్రోలర్ శ్రీరామ్ వెంకటేష్ తెలిపారు. ఫలితాలను ఉస్మానియా వెబ్సైట్లో చూడవచ్చని రెండు వారాల్లో మార్కుల జాబితాను ఆయా కాలేజీల నుంచి తీసుకోవచ్చని తెలిపారు. ఉస్మానియా యూనివర్సిటీ పరిధిలోని బిఏ, బీకాం, బీఎస్సీ డిగ్రీ రివల్యూషన్ ఫలితాలను విడుదల చేసినట్లు కంట్రోలర్ శ్రీరామ్ వెంకటేష్ తెలిపారు. 1 వ సెమిస్టర్ నుండి 5 సెమిస్టర్ వరకు ఫలితాలను ఉస్మానియా వెబ్సైట్లో విద్యార్థులకు అందుబాటులో ఉంచినట్లు తెలిపారు.

24-Sep-19

గ్రామ, వార్డు సచివాలయ అభ్యర్థులకు సర్టిఫికెట్ వెరిఫికేషన్

ఏపీలో గ్రామ, వార్డు సచివాలయ ఉద్యోగాల నియామకాలకు సంబంధించి మార్కుల ఆధారంగా కేటగిరీల వారిగా ఒరిజినల్‌ సర్టిఫికెట్ల పరిశీలన ఈ నెల 23 నుంచి 25వ తేదీ వరకు జరుగుతుందని కలెక్టర్‌ సత్యనారాయణ తెలిపారు. విద్యార్థులకు సంబంధించిన ఒరిజినల్‌ సర్టిఫికెట్లతో పాటు రెండు పాస్‌పోర్టుసైజు ఫొటోలు, హాల్‌ టికెట్‌ కాపీ, కమ్యూనిటీ సర్టిఫికెట్‌, స్టడీ సర్టిఫికెట్‌, పీహెచ్‌కు సంబంధించిన వారైతే మెడికల్‌ సర్టిఫికెట్‌, స్పోర్ట్స్‌ కోటా, ఎక్స్‌ సర్వీ్‌సమెన్‌ అభ్యర్థులు సంబంధిత సర్టిఫికెట్లు తప్పనిసరిగా తీసుకురావాలన్నారు. బీసీ అభ్యర్థులు క్రిమిలేయర్‌ సర్టిఫికెట్లు, నాన్‌ లోకల్‌ అభ్యర్థులు, రెసిడెన్సీ సర్టిఫికెట్లు ఖచ్చితంగా వెంట తెచ్చుకోవాలన్నారు.

22-Sep-19

ఈ నెల 23న అగ్రివర్సిటీ స్పాట్‌ కౌన్సెలింగ్‌

ప్రొఫెసర్‌ జయశంకర్‌ తెలంగాణ వ్యవసాయ విశ్వవిద్యాలయం, కొండా లక్ష్మణ్‌ ఉద్యాన విశ్వవిద్యాలయాలకు సంబంధించిన బీఎస్సీ(ఆనర్స్‌) అగ్రికల్చర్‌, బీఎస్సీ (ఆనర్స్‌) హార్టికల్చర్‌ డిగ్రీ కోర్సులకు పేమెంట్‌ కోటాలో స్పాట్‌ కౌన్సెలింగ్‌ ఈ నెల 23న నిర్వహిస్తున్నట్లు వర్సిటీ రిజిస్ర్టార్‌ డాక్టర్‌ ఎస్‌.సుధీర్‌కుమార్‌ తెలిపారు. ఆన్‌లైన్‌లో దరఖాస్తు చేసుకున్న ఆసక్తి ఉన్న అభ్యర్థులు రూ.10,13,550 డిమాండ్‌ డ్రాఫ్ట్‌ను కంపోట్రలర్‌, పీజేటీఎస్‌ఏయూ పేరున తీసుకుని కౌన్సెలింగ్‌కు హాజరు కావాలని, సీటు పొందిన వెంటనే రూ.36,450, డీడీతో పాటు చెల్లించాలని రిజిస్ట్రార్‌ తెలిపారు. పూర్తి వివరాలకు విద్యాలయ వెబ్‌సైట్‌ www.pjtsau.edu.inలో చూడవచ్చని రిజిస్ర్టార్‌ తెలిపారు.

21-Sep-19

ఈ నెల 30 వరకు అంబేద్కర్‌ వర్సిటీలో ప్రవేశాలు

డాక్టర్‌ బీఆర్‌ అంబేద్కర్‌ సార్వత్రిక విశ్వ విద్యాలయ డిగ్రీ, పీజీ కోర్సుల్లో 2019-20 విద్యా సంవత్సరంలో ప్రవేశానికి ఈ నెల 30 వరకు ప్రత్యేక అనుమతి ఇచ్చినట్లు వర్సిటీ అధికారులు తెలిపారు. ఆయా కోర్సుల్లో చేరేందుకు విద్యార్హతలు, ఫీజులు, ఇతర వివరాలను www.braouonline.in లో పొందుపరిచామని, మరిన్ని వివరాలకు 7382929570/580/600నెంబర్లలో సంప్రదించాలని తెలిపారు. విశ్వ విద్యాలయంలో డిగ్రీ బ్యాక్‌లాగ్‌ పేపర్లు ఉన్న 2001 నుంచి 2008 బ్యాచ్‌ల వారందరికీ ప్రత్యేక పునఃప్రవేశం కల్పిస్తున్నట్లు అధికారులు తెలిపారు.

21-Sep-19

ఈ నెల 28 నుంచి దసరా సెలవులు

తెలంగాణలోని ప్రైవేటు, ప్రభుత్వ విద్యా సంస్థలకు ఈ నెల 28 నుంచి దసరా సెలవులు ప్రారంభం కానున్నాయి. అకడమిక్ క్యాలండర్ ప్రకారం ఈ నెల 28 నుంచి వచ్చేనెల 13 వరకు సెలవులు ఇవ్వనున్నారు. తిరిగి పాఠశాలలు వచ్చేనెల 14న పునఃప్రారంభం కానున్నాయి. అలాగే ప్రాభుత్వ, ప్రయివేటు జూనియర్ కాలేజీలకు ఈ నెల 28 నుండి వచ్చేనెల 9 వరకు సెలవులు ఇవ్వనున్నారు. తిరిగి కాలేజీలు వచ్చేనెల 10న పునఃప్రారంభం కానున్నాయి.

17-Sep-19

నేడు ఏపీపీజీఈసెట్‌-2019 చివరి దశ కౌన్సెలింగ్‌

ఇంజనీరింగ్‌, ఫార్మసీ పీజీ కోర్సుల్లో ప్రవేశాలకు గేట్‌, జీపీఏటీ, ఏపీపీజీఈసెట్‌-2019లో ఉత్తీర్ణులైన అభ్యర్థులకు మంగళవారం చివరి దశ కౌన్సెలింగ్‌ నిర్వహించనున్నారు. ఈ మేరకు కౌన్సెలింగ్‌ నిర్వహిస్తున్నట్టు ఏపీపీజీఈ సెట్‌ కన్వీనర్‌ ప్రొఫెసర్‌ పీఎస్‌ అవధాని తెలిపారు. అర్హులైన అభ్యర్థులు రాష్ట్రంలోని ఐదు ప్రాంతాల్లో ఏర్పాటుచేసిన హెల్ప్‌లైన్‌ సెంటర్లలో మంగళవారం తమ సర్టిఫికెట్‌లు పరిశీలన చేయించుకోవాలని తెలిపారు.

17-Sep-19

అంబేడ్కర్ వర్సిటీ ప్రవేశాల గడువు పెంపు

డాక్టర్ బీఆర్ అంబేడ్కర్ ఓపెన్ యూనివర్సిటీలో డిగ్రీ, పీజీ, పీజీ డిప్లొమా, పలు సర్టిఫికెట్ కోర్సుల్లో ప్రవేశానికి చివరి తేదీని ఈనెల 20 వరకు పొడిగించినట్లు విశ్వవిద్యాలయ వర్గాలు ఓ ప్రకటనలో తెలిపాయి. ఆయా కోర్సుల్లో చేరికకు విద్యార్హతలు, ఫీజు, తదితర వివరాలను వర్సిటీ వెబ్‌సైట్‌లో ఉంచామని వెల్లడించాయి.

14-Sep-19
View All
Videos
View All
Books
View All
School Orders
Upload image
Best School
No schools found