Watch Video Lessons

Choose what you'd like to learn from our video library.

eLearning Books

Choose what you'd like to learn from our Books library.

School Orders

Choose what you'd like to learn from our Books library.

News

ఇంటర్‌ విద్యార్థుల తప్పుల సవరణకు అవకాశం

ఇంటర్మీడియట్ 2020 వార్షిక పరీక్షలకు హాజరయ్యే విద్యార్థుల వివరాలను ఇంటర్‌బోర్డు tsbie.cgg.in, admi.tsbie.cgg.gov.in వెబ్‌సైట్‌లో పొందుపరిచింది. విద్యార్థులు తమ వివరాలను సరిచూసుకోవాలని విద్యాశాఖ తెలిపింది. మొదటి సంవత్సరం విద్యార్థులు ఎస్సెస్సీ రిజిస్ట్రేషన్ / హాల్‌టికెట్ నెంబర్, ద్వితీయ సంవత్సరం విద్యార్థులు హాల్‌టికెట్ నెంబర్ ద్వారా లాగ్‌ఇన్ అవ్వాలని అధికారులు తెలిపారు. విద్యార్థి పేరు, తల్లి, తండ్రిపేరు, గ్రూపు, మాద్యమం, భాష, రాయబోయే సబ్జెక్టులు, వికలాంగ కేటగిరి, చెల్లించిన ఫీజు మొత్తం తదితర వివరాలను సరిచూసుకోవాలన్నారు. ఏవైనా సవరణలు ఉంటే సంబంధిత కళాశాల ప్రిన్సిపాల్‌కు సంప్రదించి సవరించుకోవాలని, ప్రిన్సిపాళ్లు డిసెంబర్ 15వ తేదీలోగా డీఐఈవో కార్యాలయాల్లో సంప్రదించాలని తెలిపారు.

08-Dec-19

పదవ తరగతి పరీక్ష షెడ్యూల్ విడుదల

తెలంగాణలో పదో తరగతి వార్షిక పరీక్షల షెడ్యూల్ విద్యాశాఖ విడుదల చేసింది. మార్చు 19 నుండి ఏప్రిల్ 6వ తేదీ వరకు ఈ పరీక్షలు నిర్వహించనున్నారు. ఉదయం 9:30 నుండి మధ్యాహ్నం 12:15 గంటల వరకు ఈ పరీక్ష నిర్వహించనున్నారు. పరీక్ష తేదీలు 19-03-20 ప్రథమ భాష పేపర్-1 19-03-20 ప్రథమ భాష పేపర్-1(కాంపోజిట్ కోర్సు) 20-03-20 ప్రథమ భాష పేపర్-2, 20-03-20 ప్రథమ భాష పేపర్-2(కాంపోజిట్ కోర్సు) 21-03-20 ద్వితీయ భాష 23-03-20 ఇంగ్లీష్ పేపర్-1 24-03-20 ఇంగ్లీష్ పేపర్-2 26-03-20 గణితం పేపర్-1 27-03-20 గణితం పేపర్-2 28-03-20 జనరల్ సైన్స్ పేపర్-1 30-03-20 జనరల్ సైన్స్ పేపర్-2 31-03-20 సోషల్ స్టడీస్ పేపర్-1 01-04-20 సోషల్ స్టడీస్ పేపర్-2 03-04-20 ఓస్సెస్సి మెయిన్ లాంగ్వేజ్-పేపర్1 (సంస్కృతం, అరబిక్, పర్షియ) 04-04-20 ఓస్సెస్సి మెయిన్ లాంగ్వేజ్-పేపర్2 (సంస్కృతం, అరబిక్, పర్షియ) 06-04-20 ఒకేషనల్ కోర్సు (థియరీ)

04-Dec-19

నిరుద్యోగ యువతకు ఉచిత శిక్షణ, ఉపాధి

టెక్ మహేంద్ర ఫౌండేషన్ ఆధ్వర్యంలో గ్రేటర్‌ పరిధిలోని నిరుద్యోగ యువతకు వివిధ కంప్యూటర్ కోర్సుల్లో ఉచిత శిక్షణనిచ్చి ఉపాధి అవకాశాలు కల్పిస్తున్నారు. కంప్యూటర్ బేసిక్స్, ఐటీస్కిల్స్, ఎంఎస్‌ ఆఫీస్ 2010, అడ్వాన్స్‌డ్ ఎంఎస్ ఎక్సెల్, స్పోకెన్ ఇంగ్లీష్, టైపింగ్, ఇంటర్నెట్ కాన్సెప్ట్స్, కమ్యూనికేషన్ స్కిల్స్, ఇంటర్వ్యూ స్కిల్స్, వర్క్‌ప్లేస్ రెడీనెస్, ఆన్‌జాబ్ ట్రైనింగ్ వంటి కోర్పుల్లో ఉచిత శిక్షణనిస్తున్నట్టు సంస్థ ప్రతినిధి నిరంజన్ తెలిపారు. 10వ తరగతి, ఇంటర్ లేదా డిగ్రీ పాస్ లేదా ఫెయిల్, 18 నుంచి 27 ఏండ్లలోపు వయసున్న వారు అర్హులని తెలిపారు. పూర్తి వివరాలకు 9515665095, 9100330378 నంబర్లలో సంప్రదించాలని తెలిపారు.

03-Dec-19

నేటి నుండి నీట్ దరఖాస్తులు

2020 విద్యా సంవత్సరంలో మెడికల్ అడ్మిషన్లకు నిర్వహించే జాతీయ అర్హత పరీక్ష (నీట్) దరఖాస్తులు నేటి నుండి ప్రారంభమయ్యాయి. ఈ నెల 31 వరకు విద్యార్థులు దరఖాస్తు చేయవచ్చు. పరీక్ష మే 3వ తేదీన నిర్వహిస్తారు. జూన్ 4వ తేదీన ఫలితాలు విడుదల చేస్తారు. ఈ పరీక్ష మూడు గంటలపాటు నిర్వహించబడుతుంది. మధ్యాహ్నం 2 గంటల నుంచి 5 గంటల వరకు నిర్వహించబడుతుంది. 180 ప్రశ్నలకు పరీక్ష కేటాయించబడుతుంది. దేశవ్యాప్తంగా 154 నగరాల్లో 2,546 కేంద్రాల్లో ఈ పరీక్ష నిర్వహిస్తారు. www.nta.ac.in లేదా www.nta.neet.nic.in వెబ్సైట్ల్‌లో దరఖాస్తు చేయవచ్చు.

02-Dec-19

పాఠశాల విద్యార్థులకు భగవద్గీత పాఠాలు

వచ్చే విద్యాసంవత్సరం నుంచి పాఠశాల విద్యార్థులకు పవిత్ర భగవద్గీత పాఠాలు చెప్పాలని హర్యానా రాష్ట్ర ప్రభుత్వం నిర్ణయించింది. వచ్చే విద్యాసంవత్సరం నుంచి పాఠశాల విద్యార్థులకు భగవద్గీత పాఠాలు చెప్పేలా పాఠ్యాంశంలో చేర్చాలని నిర్ణయించినట్లు హర్యానా రాష్ట్ర ముఖ్యమంత్రి మనోహర్ లాల్ ఖట్టర్ తెలిపారు. భగవద్గీత అర్జునుడికి శ్రీకృష్ణుడు చెప్పే శ్లోకాలను పాఠశాల విద్యార్థుల పాఠ్యాంశాల్లో చేరుస్తామని ఆయన స్పష్టం చేసారు. జీవితం గురించి చెప్పడం మతం బోధించడం కిందకు రాదని ఉన్నత విలువలు నేర్పాలనే ఆశయంతో చేర్చుతామని సీఎం వెల్లడించారు.

02-Dec-19

మార్చి మొదటి వారంలో ఇంటర్ పరీక్షలు

తెలంగాణ రాష్ట్రంలో ఇంటర్మీడియట్ విద్యార్థులకు 2020 ఫిబ్రవరి మొదటి వారంలో ప్రాక్టికల్స్, మార్చి మొదటి వారంలో వార్షిక పరీక్షలు నిర్వహించనుంది ఇంటర్మీడియట్ బోర్డు. దీనికి సంబంధించిన ఏర్పాట్లను ఇంటర్మీడియట్ బోర్డు ప్రారంభించింది. ఎలాంటి అవకతవకలు జరగకుండా ఇప్పటి నుండే ప్రణాళికలు చేపట్టాలని ఇంటర్ బోర్డు కార్యదర్శి సయ్యద్ ఒమర్ జలీల్ ఇంటర్మీడియట్ కాళేజీ యాజమాన్యాలకు ఆదేశించారు. విద్యార్థులు పరీక్షల సమయంలో ఒత్తిడికి గురికాకుండా ఉండేందుకు కౌన్సిలర్ల చేత కౌన్సిలింగ్ ఇప్పించాలని ఇంటర్ కాళేజీ యాజమాన్యాలకు ఆయన ఆదేశించారు.

24-Nov-19

పదవ తరగతి పరీక్ష ఫీజు గడువు పెంపు

తెలంగాణ రాష్ట్రంలో 2020 మార్చిలో నిర్వహించే పదవ తరగతి పరీక్షల ఫీజు గడువు నేటితో ముగియనుండగా ఈ గడువును ఈ నెల 23 వరకు విద్యాశాఖ పొడిగించింది. ఈ విషయమై ప్రభుత్వ పరీక్షల విభాగం డైరెక్టర్ బి. సుధాకర్ తెలిపారు. రూ. 50 ఆలస్య రుసుముతో ఈనెల 26 వరకు గడువు విధించినట్లు ఆయన తెలిపారు.

21-Nov-19

ఈ నెల 18 నుంచి పలు పోస్టులకు వైద్య పరీక్షలు

టీఎస్‌పీఎస్సీ విడుదల చేసిన గ్రూప్ - 4 పోస్టుల భర్తీకి ఎంపికైన అభ్యర్థులకు ఈ నెల 18 నుంచి 29 వరకు మెడికల్ టెస్ట్ నిర్వహించనున్నట్టు టీఎస్‌పీఎస్సీ శనివారం ఒక ప్రకటనలో తెలిపింది. కోఠిలోని ఈఎన్టీ దవాఖానలో మెడికల్ టెస్ట్ నిర్వహించనున్నారు. వినికిడిలోపం ఉన్న అభ్యర్థులకు మాత్రమే మెడికల్ టెస్ట్ ఉంటుందని అధికారులు తెలిపారు. హాల్‌టికెట్ తోపాటు మూడు పాస్పోర్టు సైజ్ ఫొటోలు, ఐడీ ప్రూఫ్ తీసుకురావాలని, మెడికల్ బోర్డు ఫీ కోసం రూ.400 చెల్లించాల్సి ఉంటుందని పేర్కొన్నారు. పూర్తి వివరాలు www.tspsc.gov.in వెబ్ సైట్‌లో పొందవచ్చు.

17-Nov-19

గ్రూప్‌-1 మెయిన్స్‌ పరీక్ష తేదీలు విడుదల

ఏపీ గ్రూప్‌-1 సర్వీసెస్‌ మెయిన్స్‌ పరీక్షల తేదీలను ఏపీపీఎస్సీ విడుదల చేసింది. 2020 ఫిబ్రవరి 4 నుంచి 16వ తేదీ వరకు జరగనున్నాయి. ఏడు సెషన్లలో ఈ పరీక్షలను జరగనున్నాయి. ఫిబ్రవరి 4న తెలుగులో పేపర్‌ (క్వాలిఫైయింగ్‌ ఎగ్జామ్‌), 5న ఇంగ్లీషులో పేపర్‌(క్వాలిఫైయింగ్‌ ఎగ్జామ్‌), 7న పేపర్‌-1, 10న పేపర్‌-2, 12న పేపర్‌-3, 14న పేపర్‌-4, 16న పేపర్‌-5 పరీక్షలు నిర్వహించనున్నారు. పూర్తి వివరాలు www.psc.ap.gov.in వెబ్‌సైట్లో వెబ్‌సైట్లో పొందవచ్చు.

13-Nov-19

ఇక రెండో శనివారం సెలవులుండవు

తెలంగాణలో విద్యాసంస్థలు రెండో శనివారం సెలవులు రద్దు చేసాయి. ఆర్టీసీ కార్మికుల సమ్మెతో సెలవులను ప్రకటించిన నేపథ్యంలో సకాలంలో సిలబస్‌ పూర్తి చేసేందుకుగానూ రెండో శనివారాలు కూడా విద్యాసంస్థలు పనిచేయనున్నాయి. ఈ మేరకు పాఠశాల విద్యాశాఖ, ఇంటర్‌బోర్డు, యూనివర్సిటీలు శుక్రవారం ఉత్తర్వులు జారీ చేశాయి. 2020 మార్చి వరకూ ఈ విధానం కొనసాగుతుందని విద్యాసంస్థలు వెల్లడించాయి.

09-Nov-19
View All
Videos
View All
Books
View All
School Orders
Upload image